കണ്ണൂര് എഡിഎം ആയിരുന്ന നവീൻ ബാബുവുമായി ജീവിതത്തില് ഇന്നേവരെ എന്തെങ്കിലും കാര്യത്തിന് ബന്ധപ്പെടാനോ സംസാരിക്കാനോ ഉള്ള സാഹചര്യം തനിക്ക് ഉണ്ടായിട്ടില്ലെന്ന് ഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി ഫേസ്ബുക്കിൽ കുറിച്ചു. വസ്തുതയുമായി യാതൊരു ബന്ധവുമില്ലാത്ത നുണകള് പറഞ്ഞുമാത്രം നിലനില്ക്കേണ്ട ഗതികേടില് നിലമ്പൂര് എംഎല്എ അന്വര് ചെന്നെത്തിയിരിക്കുന്നു എന്നതിന്റെ തെളിവാണ് ഇന്നത്തെ പ്രസ്താവനയെന്ന് പി ശശി പരിഹസിച്ചു. ഒരു തരത്തിലും തനിക്ക് ഒരു ബന്ധവുമില്ലാത്ത നവീന് ബാബുവുമായി ബന്ധപ്പെടുത്തി എംഎല്എ പറഞ്ഞത് നുണകളും ദുരാരോപണങ്ങളുമാണ്. പൊതുസമൂഹത്തില് അപമാനിക്കുവാന് ശ്രമിച്ചതിന് അൻവറിനെതിരെ നിയമനടപടി സ്വീകരിക്കും. ഇതിനകം നടത്തിയ അപമാനകരമായ നുണപ്രചാരണങ്ങള്ക്കെതിരെ രണ്ട് കേസ്സുകള് കോടതിയില് ഫയല് ചെയ്തിട്ടുണ്ടെന്നും ശശി വ്യക്തമാക്കി.
